Over the years (2)

一些關於乒乓球的童年往事, 抵死過癮, 大有當年上官小強同壽星仔同火麻仁拗嘴的風格，從中可以看到小弟的性格和成長背景。

歡迎四十歲以上的人士閱讀。四十歲以下的都可以埋0黎, 不過你恨你亞媽生得你太遲0拉！

警告: 充滿粗口, 你頂唔順就唔該走開, 唔好叫我 clarify, 費時你話我 unfair 同offensive!
...
********************************************************
Kaxton Siu
... 剛和一個八十多歲的外國人打完乒乓波。OMG！

Franklen Who won?

Kaxton Siu er... 我地無打比賽，只係搓下波，但他也挺好呢。我怕打比賽他會頂不住。。。

Franklen 或者佢係阿布堅呢! (你知阿布堅是誰嗎? 你可能太後生了)

Lam Chi Leung 瑞典的?

Franklen 阿良, 你真係老鬼0拉!

Kaxton Siu 不是，澳洲的業餘選手。古烈治，我當然知阿布堅是誰，同江嘉良係89年打世乒賽那個。

Kaxton Siu 古烈治， 你也打乒乓波嗎？橫定直，正貼定反貼？

Lam Chi Leung 我系江加良同鄉,打法一樣,沾下光先~~

Kaxton Siu 即係中山。。。。

Lam Chi Leung 系

Kaxton Siu 重知唔知香港社運界誰打乒乓球架？可以搞番d 定期球局

Lam Chi Leung 白頭佬

Kaxton Siu 我都識一d 香港乒乓球會，搞個社運乒乓球局，組埋隊打乒總d 賽事都ok

Lam Chi Leung 都好。我要打下順便減磅~~

Kaxton Siu 等我係facebook度問下先

Franklen 你太後生了. 你講的阿布堅邊有八十歲呀！我係話當年七十年代同郭躍華決賽個個阿布堅呀！個場先配叫做「世紀大戰」呀八十後牛奶仔！0個時「鵰緊時」，郭躍華係攻擊派, 阿布堅係防守派, 郭躍華用直板狂抽,阿布堅用橫板專放高球,郭躍華不停狂抽 (對付放高球, 只可狂抽 ,否則被對方反擊拍薑拍死 ),阿布堅不停放高球, 最高點成廿尺, 佢企係距離張球枱三十尺以上, 企係後界度用盡個場地, (唔識Ding Dump波個0的重以為佢打緊網球0添), 每次個拋物線都係靚到準到剛好滴落郭躍華個枱邊, 有好多次仲差0的滴死！你知郭躍華幾矮0拉, 矮人地成果頭有多, 李寧咁矮, 阿布堅係北歐黎0既巨人, 大衛對巨人咩, 人地個高球放到高佢一大截, 點知郭躍華成個彈弓人咁, 每次都跳到好高係最高點度狂抽, 你知唔0係最高點抽, 分分鐘抽出界, 廿一分一局, 鵰到三十分有多, 兩人一分打足十分鐘, 每分來回過百板, 個陣時全場觀眾大呼過癮, 齊齊數住第 「一、二、......、五十、五十一、......」板咁, 根本唔想佢地停, 聽講打完個陣有很多人入左醫院, 因為打緊時唔記得左抖氣0麻！嘩真係有今生無來世0架! 唔似呢家0的球賽呀廠商呀風氣呀過份強調球拍0既物料同膠粒斜度, 未搓夠兩球就食西出界落網0拉, 無可觀性無刺激性可言。

Franklen 江交良? 好後期0拉, 邊有郭躍華咁好 fight 呀!

Kaxton Siu 真係好舊。。。

Franklen 我是右手直板, 橫板都得, 獨愛最簡單正氣0既紅色正膠粒, 最鐘意用最cheap既冠軍牌懲戒個0的攞住紅雙喜或者Butterfly0既二世祖同旁門左道 (最憎的人用雙面斜膠, 輸係輸比你塊邪拍, 唔係輸比你技術) ,左手都略可以玩下0的初哥, 你見到我用左手對你, 即係睇你唔起0羅！ 我係進攻型, 擅長把球垂直拋至極高跌下發球直接得分, 地心吸力加西削已變化萬千, 加埋快速直線球飛到你胸前 ( 陰迫你為救球將塊拍壁落自己條GER度, 痛能死你), 足夠立即攞你命, 或發球令對方食哂上旋後即直線狂抽, 一擊致命, 兩板定輸贏, 但反手Backhand一樣可置人於死地, 差唔多一出Backhand, 對方必有血光，當年我係校隊, 同齊寶華鍊過, 你唔係我個皮.

Kaxton Siu 哇。。。

Kaxton Siu 咁即係你識陳江華？

Kaxton Siu 那時好似重未係佢帶香港隊，咁蕭潔雯？我同佢個仔好老死。陳教練個仔教近我德文，我又同過佢細仔補習

Franklen 我識佢佢唔識我囉

Lam Chi Leung 齊寶華吾夠齊寶香好野,齊寶香好似用生膠打波

Kaxton Siu 你打過港青？

Franklen 挑, 我唔駛生膠你，用塊白板拍能死你0拉阿江交良！

Kaxton Siu 好在我無add 到鐘志光同江嘉良入我facebook 姐

Lam Chi Leung 用白板既高手通常都好邪　

Kaxton Siu 咁你而家重有無打？

Franklen 打飛機就有！邊有時間呀?!

Kaxton Siu 點都要做d運動既，當係練下波囉，一日練番五六籃推側撲當練下氣囉

So Nic 輸？贏？

Franklen 細個個陣無人同我練Ding Dump波, 將張飯枱泊係牆度, 自己對住塊牆練波, 自言自語, 當自己係郭躍華, 塊牆係阿布堅, 你抽塊牆大力0的佢反彈番轉頭, 嘩又快又勁, 0的抆抽拉削上下旋咪咁練番0黎囉, 個時晚晚叮叮噹噹到夜深, 嘈住我老豆訓覺, 搞到佢好燥, 結果生cancer, 味搞到佢早死囉! 夜半無人, 陰風陣陣, 隔離屋個個古老大鐘 「噹、噹」響足十二下, 望番轉頭, 就見到身後四尺神枱掛左死鬼阿 女麻 幅死人相, 兩尺半乘兩尺半個0的黑白大相呀! 陳立品回魂夜個0的呀! 間中重有隻黑飛蛾停係上面, 嘩嚇到全身發冷標尿, 點解佢對眼跟住你走0架? 大喊 x你x x驅寒壯膽, 用個Ping Pong波發狂用力打鳩佢, 搞到而家仲好怕黑兼驚鬼呀陰功！

Kaxton Siu 古烈治的“那些年“